العبارة أعلاه اشتهرت بسبب نكتة شهيرة ، المهم زمن الزمن كان سمح والناس بتمشي السنما- الله يجازي الكان السبب - كانت الافلام الهندية بتعرض اكتر من اي نوع افلام تانية - وده طبعا لانو الهنود بنتجوا افلام بي ميزانيات ما بتعمل عشاء في فندق خمسة نجوم فبالتالي سعرها رخيص ولأنو شرايط السنما الزمن داك (ماقبل البروجكتر) كان لازم تكون اصلية فالسنمات بتشتري الافلام الهندية لأنها الارخص - ، المهم لو سألت زول (و ده تعبير عن شخص سوداني وزولة للمؤنث) عن ما هو الهندي ؟ حيقول ليك وبكل بساطة: انو مخلوق حسن المظهر ناعم الشعر بليد بلادة عجيبة بناتم سمحات.
الزول لو قلت ليهو حاجة ما ياها ولا داير منك قروش وقلت ليهو النمشي اشرب شاي واجيك بقول ليك " قايلني هندي ؟ " وده بي سبب المبالغة في الافلام الهندية والطموح العالي للهنود في مجال الفن، المهم هسه لا في سينمات لا في افلام هندية والبنغالة ملو البلد والصينين بقوا اكتر من الادروبات و ناس بجلد سراير اختفوا و .......... الفلم هندي ولا ناكل باسطة ؟؟
